السلام عليكم ورحمة الله وبركاته
كتير ممكن يستغرب اسم المدونة،وشعارها
بس اطلعت على مدونات كتيرة جدا لقيت ما بينهم مدونات شخصيه يعنى كل اللى بيتكتب فيها شخصى بحت او لنفع الناس زى هدف مدونتى الثانيه او لاى سبب ايا كان ايه هو
ممكن اكون عملتها لانى عندى مدونه كشكول كل يوم بكتب فيه لربى ،هو صحيح اعلم بما تكنه الصدور ومش محتاجة انى اكتب........بس بجد بحس براحة شديدة جدا فى كتابتى له.....لانه القادر
ممكن لما اكتب لاى حد يقولى اعمل ايه؟؟...بس الله اعلى واعلم واحكم الحاكمين.و لو ربنا لم يرد انتهى الموضوع وهفضل انا تايهة وحيرانه....فى كتابتى لربنا نقاء لروحى وبحس فعلا بمعنى سورة الفاتحه اياك نعبده واياك نستعين اهدنا الصراط المستقيم.......بحكى له كل حاجة متضايقه من ايه؟؟؟..بحلم بايه؟؟....بدعيه بمسئوليه انى أمته اللى مغرقها فى نعمه التى لا حصر لها ونفسها تعمل حاجات فى دنيتها قبل ما تبقى عنده...وحاجات كتيييييييير اوى اوى.... وسبحانه فعلا بيقوينى ويقدرنى وبينور بصيرتى......
لن يسبقنى الى الله احد
طبعا مش انى اضل الناس
لا انى ازود عباداتى واحس بحبه اكتررررررررر
وانى انفع عباده بكل ما استطيع ان اقدمه وهو كتير ان شاء الله
المدونه مش هتكون لفضفضتى مع الله كل يوم وبس
هيكون فيه
1)تأملاتى فى ايات القرءان واعجازها
2)والسيرة والسنه النبويه
3)علوم نابعه من ديننا
4)وحاجات كتيييير
فضفضة مع الله
هى سبب نور حياتى
ويارب اكون نور فى حياتكم
هبة الله سامى
